कोरोनाले लियो ज्यान

द्वारा प्रकाशित गरिएको हो |
April 6th, 2021
अनुमानित पढ्ने समय : < 1 मिनेट
फाईल तस्विर

काठमाडौं । छसस । कोरोनाका कारण विश्वभर मृत्यु संख्या बढेसँगै नेपालमा पनि थप कोरोनाको जोखिम बढेको छ । भारतमा दोस्रो लहरको कोरोना महामारी फैलिएपछि, खुला सिमा नाकाबाट बिना रोकटोक, नेपालीहरु नेपाल भित्रिने क्रम जारी रहनु, सीमानामा कुनै प्रकारको चेक जाँच नगरी, कोरोना पोजेटिमवालाहरु निर्बाध रुपमा सार्वजनिक साधन हुँदै आआफ्ना गाउँतर्फ लाग्नु जस्ता क्रियाकलापले गर्दा नेपाल कोरोनाको उच्च जोखिममा रहेको देखिन्छ । यसतर्फ नेपाल सरकारले त्यति सतर्कता अपनाएको देखिन्न, जति अपनाउनु पर्दथ्यो । विदेशबाट ल्याइएको कोभिड १९ को खोप पनि त्यति भरपर्दो र विश्वासीलो देखिदैन । खोपको बारेमा अनेकौ टिका टिप्पणीहरु गरिदै छन् । रगत जाम हुनेदेखि लिएर, खोपका कारण मानिसको मृत्युसम्म भएको समाचार छ । हङकङमा खोप लगाउना साथ २ जनाको मृत्यु भएको कुरालाई नेपालको एक वृद्धको खोपकै कारण मृत्यु भएको कुराले थप पुष्टि गरेको छ । चैत्र २ गतेको गोरखापत्रले आफ्नो समाचारमा कोभिड १९ को खोप लगाएको केही समयपछि बेहोस् भएका जाजरकोटको चरिकोट गाउँपालिका ८ बण्डालाका तिलक बहादुर बोहराको मृत्यु भएको समाचार प्रकाशित गरेको छ । समाचार अनुसार उपचारको लागि नेपालगञ्ज भेरी अस्पतालमा पुर्याइएका बोहोराको मृत्यु भएको हो । जिल्ला खोप सुपरभाइजर शान्त बहादुर बुढाथोकीले मृतकले कोभिड १९ विरुद्धको खोप लगाएको जानकारी दिएका थिए । खोप लगाएको दिनको राति देखिनै बोहरा बेहोस् भएका थिए । जाजरकोट अस्पतलका डाक्टर अमिन शाहले जिल्ला अस्पतालमा उपचार सम्भव नभए पछि बोहरालाई नेपालगञ्जस्थित भेरी अस्पतालमा ‘रिफर’ गरिएको स्वीकार्दै– ल्याब रिपोर्टमा बेहोस् भएको बोहोराको रगतमा केही खराबी देखिएको थियो भने हातखुट्टा नचल्ने गरी प्यारालाइसि िभएको जनाएका थिए ।
अहिले नेपालमा पनि झनै कोरोना भाइरस संक्रमितको संख्या बढ्दै गएको छ । यस्तो अवस्थामा सुरक्षा मापदण्ड पालनामा राज्यले विशेष ध्यान दिनुपर्नेमा त्यसो हुन सकेको छैन । सरकार, प्रतिपक्ष दल कसैलाई जनताको पीडामा चासो छैन । जनता भोकभोकै छन् कि, औषधी उपचार गर्नबाट बन्चित छन् उनीहरुलाई कुनै मतलब
छैन । उनीहरुलाई चासो छ त केवल सत्ताकै, कुर्सीकै मात्र ।

प्रतिक्रिया दिनुहोस

सम्बन्धित समाचार