वार्ता टोली गठन र वार्ता भाडाकुटी खेल जस्तो

द्वारा प्रकाशित गरिएको हो |
March 30th, 2021
अनुमानित पढ्ने समय : < 1 मिनेट
फाईल तस्विर

काठमाडौं । छसस । नेपालमा वार्ता टोली गठन गर्न र वार्ता हुनु भनेको केटाकेटीको भाडाकुटी खेल खेल्नु सरह हुँदै आएको छ । विगतमा कांग्रेसका रामचन्द्र पौडेल शान्तिमन्त्री हुँदा बखा आदिवासी–जनजातिहरुसँगको वार्ता होस् की केही महिना अघि सोमनाथ पाण्डेको अध्यक्षतामा गठीत वार्ता टोलीसँगको ‘किरात जनवादी वर्कस’ लगायतका स–साना हतियारधारी सशस्त्र दलसँगको वार्तालाई नै लिने हो भने पनि केटा–केटीको भाडाकुटी खेलझै देखिएको पाउन सक्छौ । अर्थात त्यस्ता वार्ताको नेपालको सन्दर्भमा कुनै औचित्य देखिएका छैनन् । ‘हालै टिकापुर घटनालाई लिएर बनाइएको वार्ता टोलीलाई पनि नेपाली जनताहरुले यसै मेसोमा लिएका छन् । भलै टिकापुर घटनाका प्रमुख दोषी देखिएका रेशम चौधरीको रिहाई र सो घटनासँग सम्बन्धित मुद्दाबारे निराकरण गर्न ओली सरकार सकारात्मक देखिएपछि, स्वयंम दोषी ठहरीइएका रेशम चौधरीकै नेतृत्वमा छ सदस्यीय वार्ता टोली गठन गरिएको देखिन्छ ।
टिकारपुर घटनामा दोषी ठहर भई अर्धभूमिगत रहेका थरुहटका नेताहरुको समूहले सरकारसँग वार्ता गर्न भनि सो टोली निर्माण गरिएको बुझिएको छ । वार्ता टोलीका सदस्यहरुमा थारुवान राष्ट्रिय मोर्चाका अध्यक्ष तथा सदस्यहरु रहेका छन् भने बन्दी परिवारका तर्फबाट बिना चौधरी, यमुना चौधरी पनि वार्ता टोलीमा समावेश छन् । स्मरण रहोस् टिकापुर हिंसात्मक घटनामा २०७२ भाद्र ७ गत आठ सुरक्षाकर्मी र एक अबोध बालकको समेत ज्यान गएको थियो । उक्त घटनाको मुद्दामा उच्च अदालत दिपायलले रेशम चौधरी सहित आठजनालाई आजीवन कैद सजाय र तीन जनालाई १० वर्ष कैद सजाय तोकिसकेको छ । दोषी ठहरीएका ६ जनाले भने तोकिएको कैद सजाय भुक्तान गरी सकेका छन् ।

प्रतिक्रिया दिनुहोस

सम्बन्धित समाचार