जनगणना ‘झुट’ नहोस्

द्वारा प्रकाशित गरिएको हो |
March 30th, 2021
अनुमानित पढ्ने समय : < 1 मिनेट
फाईल तस्विर

काठमाडौं । छसस । आगामी २०७८ जेष्ठ २५ गतेदेखि असार ८ गतेसम्म मुलुकव्यापी रुपमा लिइने जनगणनामा ८ हजार सुपरिवेक्षक र ३९ हजार गणक सरकारले खटाउँदै छ । खटिने कर्मचारीहरुलाई सम्बन्धित निकायले प्राविधिक, प्रशासनिक रुपमा चुस्ता, दुरुस्त पार्न आवश्यक तालिम दिइनुपर्ने हुन्छ । ताकि २०६८ साल र त्यस अघिका जनगणनामाझै गल्ती नदोहोरियोस् भन्ने आम धारणा रहेको छ । यहाँसम्मकी धेरै अघिको कुरा छोडौं २०६८ सालमा मात्र जनगणना लिइने क्रममा दर्जनौभन्दा बढी आदिवासी समुदायको जाति र थर नै गायब गरिएको थियो । यसरी आफ्नो जातीय पहिचान एवं नाम, थर र संख्याको यथार्थ विवरण राष्ट्रिय अभिलेखमा नचढेकै कारण उक्त गलत तथ्यांकमा आधारित प्रतिवेदनलाई भूमिपुत्र समुदायले बहिष्कार मात्र गरेनन्, जलाई समेत दिएका थिए । वास्तवमा यस्तो अवस्था ल्याउनमा तत्कालिन सरकार मातहतका आसिन पदाधिकारीहरु नै दोषी देखिन्छन्, उनीहरुको नियत त्यतिकै खोटो देखिन्छन् । अतः आउने जेठमा लिइने जनगणनामा यस्तो गलत नहोस् भन्नका खातिर गणकहरुलाई उचित तालिम दिइनु पर्ने देखिन्छ । ताकि २०६८ सालको झै आगामी २०७८ सालमा लिइने जनगणनामा भुल नदोहोरियोस । र मुलुकको चेहरा स्पष्ट रुपमा ऐनझै छर्लंग पारियोस्, तथ्यपरक र यथार्थतामा आधारित विवरण राष्ट्रिय अभिलेखमा चढाइयोस् । हुन सके राष्ट्रिय जनगणनामा खटिने गणकहरु केन्द्रीय तथ्यांक विभागले समावेशीकरणको आधारमा छनौट गरी जुन समुदायको बाहुल्यता रहेको क्षेत्र हो त्यस क्षेत्रमा सम्बन्धित जाति र भाषिक गणक पठाएमा सहज हुनका साथै तथ्यमा आधारित गणना हुने थियो कि ?

प्रतिक्रिया दिनुहोस

सम्बन्धित समाचार