देउवाको दुवै हातमा लड्डु

द्वारा प्रकाशित गरिएको हो |
March 2nd, 2021
अनुमानित पढ्ने समय : < 1 मिनेट
फाईल तस्विर

काठमाडौं । छसस । सर्वाेच्चको फैसला लगत्तै नेकपाका दाहाल–नेपाल समुहका अध्यक्षद्वय माधव कुमार नेपाल र पुष्पकमल दाहाल आफै बुढानिलकण्ठ पुगेर तपाईको नेतृत्वमा सरकार बनाउन आफुहरु तयार रहेको बताएका छन् । यो समुह मात्र होइन प्रधानमन्त्री ओली समुहले पनि सत्ता सहकार्यको प्रस्ताव देउवा समक्ष राख्दै आएको बताइन्छ । यो विषयमा छलफल गर्न प्रधानमन्त्री ओलीले आफ्ना विश्वास पात्रहरुलाई खटाइसकेका छन् भने स्वयं पनि देउवासँग टेलीफोन वार्तामा व्यस्त रहेका छन् ।
यता देउवा भने नेकपा वैधानिक रुपमा एक पार्टी रहेकाले सत्ता सहकार्यको सवालमा कांग्रेसले अहिलेनै धारणा बनाइ नहाल्ने र दुवै समुहसँग सत्ता सहकार्यको सवालमा पर्ख र हेरको अवस्थामा रहने मनस्थितिमा पुगेका छन् । यस विषयमा फागुन १३ गते देउवा निवास बुढानिलकण्ठमा बसेको कांग्रेस पदाधिकारी तथा पूर्व पदाधिकारीहरुको बैठकले वैधानिक रुपमा नेकपा एउटै पार्टी रहेकाले हालकै अवस्थामा हतारमा कुनै पनि निर्णय नगर्ने निष्कर्ष निकाल्दै यी दुई गुट आगामी दिनमा कसरी प्रस्तुत हुन्छन् त्यसपछि मात्र निर्णयमा पुग्ने बैठकले निर्णय गरेको बुझिएको छ ।

प्रतिक्रिया दिनुहोस

सम्बन्धित समाचार