भ्रष्टहरुको दोहोलो काडिने

द्वारा प्रकाशित गरिएको हो |
March 2nd, 2021
अनुमानित पढ्ने समय : 2 मिनेट
फाईल तस्विर

काठमाडौं । छसस । राजनीतिक दलहरु, गणतन्त्रको दुहाई दिँदै जनताको हितभन्दा नीहित स्वार्थ सिद्ध गर्न तल्लिन छन् । जनभावनाको कुनै कदर छैन, भोका, नांगा जनताहरुलाई गाँस, बाँस र कपासको व्यवस्था गर्नुभन्दा विदेश सयर गर्न र आफ्नै महल ठडाउनमा व्यस्त छन् । जनता झन्झन् गरिबीको रेखामुनि तड्पिरहेका छन् भने दलका शीर्ष नेताहरु आलिसान बंगला, प्राडो, पजेरोका मालिक बनिरहेका छन् । २०४६ अघि छिनिन लागेको चप्पलमा काठमाडौको गल्लीगल्ली चहार्नेहरु नेताको पगरी गुँथेपछि महल, प्राडो र पजेरोको मालिकमा परिणत हुन पुगेका छन् । यसको हिसाब किताब लिन र आवश्यक कारवाही गर्न अख्तियार निवारण दुरुपयोग आयोग र सम्मानित अदालत समेतले गर्न सकेन । भ्रष्टाचार उधिन्ने कारवाही गर्न थाले प्रमुख आयुक्त र प्रधानन्यायधीश स्वयंमाथि पनि महाअभियोग लाग्ने त्रास देखाउने गर्छन् । यसो भएपछि कसरी न्यायनिसाफ विशुद्ध हुन्छ । त्यसैले अब, प्रम ओलीले भनेझै, मुलुकलाई भ्रष्टाचार मुक्त गराउनु छ भने, अख्तियार दुरुपयोग निवारण आयोगलाई स्वतन्त्र ढंगले काम गर्न दिऔ । र मुलुकलाई भ्रष्टाचार मुक्त देश बनाऔं ।
यस्तो कहाली लाग्दो दिन कतिञ्जेल सहने नेपाली जनताहरुले ? यसलाई बहसको विषय बनाउनुपर्छ । र नेपाली जनता, खासगरी आदिवासी जनजाति, दलित, उत्पीडित, मधेसी समुदायले राजनैतिक दलका शीर्ष नेताहरुका जनजाति देशघाति क्रियाकलापको सम्बन्धमा के गर्ने, सोच्ने बेला आएको छ । समयले कोल्टे फेरी सकेको छ । अब जनता आफै ब्यूझनुपर्छ ।
दलहरुको अकर्मन्यताका कारण गणतन्त्रको नाममा मनपरितन्त्र हुन पुगेको छ । गणतन्त्रको उपलब्धि नै भ्रष्टाचार, व्यभिचार भएको छ । यहाँ व्वाँसाहरुले देशलाई हरिकंगाल पारेको छ । जनताले न्याय निशाफ पाउने र माग्ने निकाय निरीह छ । ज्यानमारा, बलात्कारी, अपहरणकारी र डनवादको देशमा बोलबाला छ । लाग्छ नेपाली जनताको साहदातद्वारा प्राप्त यो गणतान्त्रिक व्यवस्था पनि गरिब, असहाय र नीरिह जनताको निमित्त अर्थहीन बनेको छ । गणतन्त्रको अनुभूति जनताहरुले पाउनको लागि देशमा भ्रष्टचार उन्मुलन हुन नातावाद, कृपावाद, भ्रष्टाचार उन्मुलन अतिआवश्यक देखिन्छ । यसलाई साकार तुल्याउने उद्देश्यले वर्तमान अख्तियार दुरुपयोग अनुसन्धानका प्रमुख आयुक्त प्रेम कुमार राईले प्रतिबद्धता जाहेर गर्नुभएको छ । तथ्य र प्रमाणको आधारमा कसैलाई पनि नछोड्ने उनले एक कार्यक्रमकाबीच भनिसक्नु भएको छ ।
जसले गर्दा अब नेपालमा भ्रष्टाचारीहरुको दोहोलो काडिनेमा आम नेपाली विश्वस्त छन् ।

प्रतिक्रिया दिनुहोस

सम्बन्धित समाचार