यूवा प्रयास बहुउद्देश्यीय सहकारी संस्थाको साधारण सभा सम्पन्न

द्वारा प्रकाशित गरिएको हो |
January 10th, 2021
अनुमानित पढ्ने समय : < 1 मिनेट
फाईल तस्विर

काठमाडौं । छसस । सामुहिक यूवा प्रयास बहुउद्देश्यीय सहकारी संस्थाको तेस्रो वार्षिक साधारण सभा २०७७ पौष २० गतेका दिन एक भव्य समारोहका बीच सम्पन्न भयो । जीनत राईको शुभकामना मन्तव्यबाट सुरु भएको उक्त कार्यक्रममा संस्थाका सचिव सरेन्द्र राईले २०७७÷०७८ को वार्षिक प्रतिवेदन प्रस्तुत गर्नुभएको थियो भने प्रमुख अतिथिको आसनबाट मनोज थापा मगरले आफ्नो मन्तव्यको क्रममा संस्थाको सफल कार्यकाल र उज्ज्वल भविष्यको कामना गर्नुभएको थियो । सुरज शर्माले संचालन गर्नुभएको उक्त साधारण सभामा उमाराई, महेश खवास, जिनत राईले पनि सामूहिक यूवा प्रयास बहुउद्देश्यीय सहकारी संस्थाबारे आ–आफ्नो धारणा व्यक्त गर्नुभयो ।
उक्त साधारण सभाले आगामी कार्यकालका लागि सर्वसम्मतिबाट सुरेन्द्र राईको अध्यक्षतामा एक नयाँ कार्यसमितिको समेत चयन गरिएको जसमा उपाध्यक्ष प्रकाश राई, सचिव अमृता लिम्बू, कोषाध्यक्ष अजित राई र सदस्यहरुमा क्रमशः रोशन राई, सुनिल लामा रहेका छन् ।
यसैगरी भावना लामाको संयोजकत्वमा रेजिना राई, संगीता महर्जन सदस्य रहेको एक लेखशा समिति समेत साधारण सभाले गठन गरेको समाचार छ ।
शेयर सदस्यहरुको उल्लेख्य मात्रामा उपस्थित रहेको सहकारीको उक्त साधारण सभा न्यू तरेवा रेष्टुरेण्ट एण्ड नेपाली भान्सा घरको सभा कक्षमा सम्पन्न भएको थियो ।

प्रतिक्रिया दिनुहोस

सम्बन्धित समाचार