हे आदिवासी–भूमिपुत्रहरु चण्डालहरुको ब्यानर बोक्न छोड

द्वारा प्रकाशित गरिएको हो |
January 10th, 2021
अनुमानित पढ्ने समय : < 1 मिनेट
फाईल तस्विर

काठमाडौं । छसस । आदिवासी–भूमिपुत्र समुदायहरुले देशको हरेक परिवर्तनहरुमा निर्णायक भूमिका निर्वाह गर्दै आइरहेको छ, जसलाई कसैले पनि नकार्न सक्दैन । हरेक राजनैतिक आन्दोलनहरुमा उत्साहजनक सहभागिता बढाउँदै, चण्डालहरुलाई सत्तामा आसीन गराउँदै पनि आएका छन् । चाहे त्यो २००७ सालको क्रान्तिताका होस् या माओवादी विद्रोहको बन्दू पड्काइ दिएर होस्, यात राजनैतिक दलहरुका झण्डा र ब्यानर बोकि दिएर नै किन होस्, यहाँका सीमित एक अभिजात्य समुदायहरुका लागि प्रशस्त गुणहरु लगाउँदै आइरहेका छन् । यी समुदायले । यति मात्र कहाँ हो र विदेशी भूमिमा कुल्ली काम गरिदिएर यहाँका शासकहरुको भुँडी पोषाउँदै आइरहेका छन् ‘रेमिट्यान्स’
पठाईदिएर । देशको प्रत्येक परिवर्तनका पछाडि भूमिपुत्र, सीमान्तकृत आदिवासी समुदायको हात रहेको ऐतिहासिक नजीर स्थापित छन् । तर हरेक संघर्षको सफलता पछि भूमिपुत्रहरुलाई फास्स–फुस्स पार्दै हौसाउँदै आफुहरु मात्र सिंहदरबार, सितलनिवास र हरेक समावेशीमा हुने नियुक्तिहरुमा विराजमान हुने र गराउने गर्दै आएका छन् । सितलनिवास, सिंहदरबार र अन्य निकाय प्रमुखहरुमा आदिवासी भूमिपुत्र, सीमान्तकृत जनसमुदायहरुलाई पनि समावेशीको आधारमा निष्पक्ष र योग्यताको आधारमा सरीक गराउने परम्परा कहिले देखि बसाउने हो ? प्रश्न उठेको छ ।

प्रतिक्रिया दिनुहोस

सम्बन्धित समाचार