ओली मक्ख, प्रचण्ड छक्क

द्वारा प्रकाशित गरिएको हो |
January 10th, 2021
अनुमानित पढ्ने समय : 2 मिनेट
फाईल तस्विर

काठमाडौं । छसस । नेपालको पछिल्लो घटनाक्रमलाई लिएर छिमेकी राष्ट्र चीन र भारतले नेपालको नितान्त आन्तरिक मामला भन्दै टिप्पणी नगर्ने जनाएपछि पुष्पकमल दाहाल प्रचण्ड एण्ड कम्पनीलाई औडाह हुन पुगेपछि औषधी उपचारको बहानामा भारतीय नेताहरुलाई भेट्न प्रचण्ड भारततर्फ लागेको बताइन्छ । प्रम ओलीले प्रतिनिधि सभा विघटन र वैशाख १७ र २७ गते मध्यावधि निर्वाचनको घोषणा गरेको सवाललाई लिएर पुष्पकमल दाहाल समुहले दुवै छिमेकी मुलुकसँग ओली कदम असंवैधानिक भनिदिनुपर्ने चाहाना राखेका थिए । तथापी नेपालका दुवै छिमेकी राष्ट्र यस विषयमा तेलबाट पानी तर्किएझै तर्किएर दाहाल समुहलाई
झस्काइदिए । स्मरणीय छ, प्रतिनिधि सभा विघटन पश्चात भारतीय परराष्ट्र मामला हेर्ने एक व्यक्ति नेपाल आई संसद विघटन लगायतका निर्णय नेपालको आन्तरिक मामिला भएको भन्दै यसको छिनोफानो गर्ने अधिकार नेपालमै निहित रहेको बताएर गए । तर उनले सो अवसरमा नेपालको पछिल्ला राजनीतिक घटनाक्रमलाई भारतले नजिकबाट नियालीरहेको बन्दै सदाझै सारा नेपालीलाई झस्काउन भने बाँकी राखेनन् । भारतीय हरुको यस्तो भनाई पछि चिनियाँ कम्युनिष्ट पार्टीका उपमन्त्रि गुओ येझाउ नेतृत्वको टोली नेपालमै थिए । यो टोलीले पनि विभिन्न पक्षसँग भेटघाट गरेपछि मध्यावधि निर्वाचन र प्रतिनिधि सभा विघटनको विषय नेपालको आन्तरिक विषय भएको भन्दै यसमा कुनै टिका टिप्पणी नगर्ने बताए । जबकी सत्तारुढ दल नेकपा फुटको संघारमा पुगिसकेको अवस्थामा चिनियाँ टोली नेकपाको एकता कायम राख्ने उद्देश्यका साथ नेपाल आएका थिए । चिनीयाँ राष्ट्रपति सि जिन फिङको विशेष सन्देश लिएर नेपाल आएका चिनिया टोलीले नेपालको आन्तरिक मामला मिलाउने कोसिस गरेपनि अन्ततः नेपाली जनताको चाहाना बमोजिम असमर्थ भएपछि चिनियाँ टोलीले दुवै समुहलाई मिलेर जान सुझाव दिएका थिए । यता नेपालको आन्तरिक मामलामा प्रत्यक्ष वा अप्रत्यक्ष रुपबाट सँधै हस्तक्षेपकारी भूमिका निर्वाह गर्दै आएको भारतले भने यो पटक पनि विशेष नोट गरिरहेको टिप्पणी गरेर ‘नानी देखि लागेको बानी के छोड्न सक्थ्यो र’ भन्ने भनाइलाई चरितार्थ गरेको छ । नेपालको आन्तरिक मामलामा हस्तक्षेपकारी भूमिकामा कसैलाई पनि निर्वाह गर्न नदिनका निमित्त आम नेपाली स्वयं सजग हुनुपर्छ । राष्ट्र निर्माणको दीर्घकालिन सोच राख्न समृद्ध र सुरक्षित राष्ट्र बनाउन विश्व समुदायमा नेपालको मौलिक पहिचान दिलाउन अब आम नेपाली स्वयं नै सजग र सतर्क रहनुको विकल्प छैन । किनभने नेपालको राष्ट्रिय एकता खल्बलाउन बाह्य शक्तिको चलखेलले निरन्तरता पाइरहेकै छ ।
सामाजिक बुद्धिजिवीहरु पनि व्यक्तिगत स्वार्थकै लागि विदेशीको यस्ता योजना पुरा गराउन लालायित देखिन्छन् । यसले गर्दा भूमिपुत्र, मधेसी, सिमान्तकृत जनसमुदायको जायज आवाजलाई दमन गर्न पहिचानको सवाललाई निस्तेज पार्न विदेशी ईशाराले सफलता चुमिनै रहेको छ । यस विषयमा बुझ्न अलिकति इतिहासतिर फर्केर हेर्नुपर्ने हुन्छ ।
स्वाधिन हिन्दुस्तानले नेपाललाई स्वतन्त्र राष्ट्रको रुपमा मान्यता त दियो तर उसले नेपालको परराष्ट्र र सुरक्षा मामिलाको स्थायी स्वामित्व लिन प्रयासरत रहेको देखियो । १९५० मा नेपाल–भारतबीच भएको ‘शान्ति तथा मैत्री सन्धि’मा नेपालको परराष्ट्र र सुरक्षा विषय हिन्दुस्तानसँग समन्वय गरेर सञ्चालन हुने व्यवस्था प्रधानमन्त्री मोहन शमशेरको अडानले गर्दा मुर्त रुप लिन त सकेन, मोहन शमशेरलाई प्रधानमन्त्रीको पदबाट राजिनामा दिएपछि देशको परराष्ट्र नीति भारतीय सल्लाहमा सञ्चालन हुन थाल्यो । विश्वेश्वर प्रसाद कोइराला, मातृका प्रसाद कोइराला र डिल्ली रमन रेग्मीहरु पनि यही चाहान्थे ।

प्रतिक्रिया दिनुहोस

सम्बन्धित समाचार