भ्रष्टहरुलाई त यहाँ स्वर्गै छ

द्वारा प्रकाशित गरिएको हो |
December 13th, 2020
अनुमानित पढ्ने समय : 2 मिनेट
फाईल तस्विर

काठमाडौं । छसस । बाहुनवादको प्रसंग विगत देखिनै उठ्दै आएको हो । बुझ्नुपर्ने कुरो के हो त भने बाहुनवाद भन्नाले कुनै जाति विशेषलाई भनिएको पक्कै होइन । बाहुनवादको परिभाषाभित्र वर्णव्यवस्थालाई अझै यथास्थितिमा राख्न चाहने, कुटिलचाल र रणनीति अँगालेर आफूलाई मालिकको रुपमा सम्झेने र सामन्ती स्वाधिकार उपभोग गरिरहुँ भन्ने भावनासँग बगिरहने चाहे जुनसुकै जातिका भए पनि अथवा बाहुन नभए पनि बाहुनवादी हुन् । तिनीहरुको छलकपटपूर्ण रणनीतिलाई अवलम्वन गर्ने र हैकम चलाउनेहरु आदिवासीनै किन नहुन बाहुनवादी हुन् । यही बाहुनवादको तुष रहिरहेकै कारण अझसम्म नेपालमा कानूनी राजको प्रत्याभुत हुन सकेको अवस्था छैन । कानून बन्छ, लागु हुँदैन श्रीमतीलाई टुक्रा टुक्रा पार्ने र आफ्नै अनुयायीलाई बलात्कार गर्नेलाई आममाफी हुन्छ । ३३ अरब हिनामिना गर्नेहरु सामान्य धलौटमा छुट्छन् । यसरी, कानून त बन्छ तर उल्लंघन हुने गर्छ । गणतन्त्रमा पनि संकीर्ण सोच र संस्कारमा विकास भएको प्रतिगामी कदमहरु भ्रष्टाचार छलकपट, सत्ता छिनाझिम्टी, सम्पत्ति हाँसिल गर्ने फोहरी होडबाजी तथा हारजीतका चालहरुमा मात्रै प्रगति देखिन्छ । त्यसैले नेपालका भूमिपुत्र आदिवासीहरुले यस्तै चुनौति र विकृति विरुद्ध अन्याय अत्याचार र पीडाबाट मुक्ति प्राप्त गर्न आफ्नो अस्मिता, अस्तित्व, इतिहास, संस्कार संस्कृतिको लागि लाड्नु पर्दछ । समष्टिगत रुपमा नेपालको मौलिक राष्ट्रियतालाई स्थापित गर्ने र आफूहरुमा पारिएको भ्रमको जालो च्यात्नु गरेको छ ।
माथि उल्लेख गरिएझै यहाँ अझै बाहुनवादको तुष रहिरहेको कारण कानूनी राजको अनुभूति गर्न सकिएको छैन । यहाँ ठूलालाई चैन, सानालाई ऐन कै चरितार्थ
छ । श्रीमति टुक्रा टुक्रा पार्ने डिआईजी साधारण तारिखमा छुट्छन् अनुयायी माथि पासवीक रुपले बलात्कार गर्ने ढोँगी सिद्ध बाबाले उन्मुक्ति पाऊछन् । दश अर्ब भ्रष्टाचार गर्ने चुडामणि शर्मा विरुद्ध एक करोड धलौट राखि असनका साँढेझै टुक्रिदै बुर्कुसी
मारीरहेछन् ।
यसरी दश अर्ब भ्रष्टाचार गरेको भनि अख्तियारद्वारा प्रमाणसहित विशेष अदालत समक्ष पुर्याईएका राजश्वमारा चुडामणि शर्माहरु अपत्यारिलो ढंगले केवल १ करोडमात्र धरौटी बुझाई तिनै ब्राह्मणवादीहरुले छुटाएका हुन् । ब्राह्मणवादीका करामतकै कारण कर फछ्र्याैटका सदस्य सचिव चुडामणि शर्मा १ करोड रुपैया बैंक ग्यारेन्टी राखेर छुटेका
हुन् । विशेष अदालतले शर्मासँग १ करोड धरौटी तोकेको थियो । भ्रष्टाचारकै यस्तै अर्का दुई राजश्वमाराहरु पनि छुटिसकेका छन् । अख्तियारले यी तिनै जनामाथि अनियमितता गरेको भनि प्रतिव्यक्ति १० अरब ९६ करोड रुपैयाको दरले बिगो र जरिवाना माग गरि अदालतमा मुद्दा दायर गरेको थियो । जबकि बिगो र जरिवाना माग दाबि गरेको तीनै जनाको माग रकम जोड्दा करिब ३३ अरबको हाराहारी हुन आउँछ । राजश्व चुहावटको आरोप प्रमाणित भए बिगो र त्यसको जरिवाना दोब्बर हुन आउँछ । त्यसको दोब्बर बराबरको माग दाबि गर्दा प्रत्येकलाई ७ अर्ब रुपैयाँ जरिवाना हुन
आउँछ । आयोगका हरेक पदाधिकारीलाई विगो र दोब्बर बराबरको जरिवाना गर्दा प्रत्येकलाई १० अर्ब ९६ करोडको माग
दाबी छ । अख्तियारले कुल १ हजार ६९ फाइल मध्ये पहिलो चरणमा ४५ वटा माथि अनुसन्धान गरेको थियो । २०७४ चैतमा महालेखा परिक्षकको कार्यालयले वार्षिक प्रतिवेदन पेश गर्ने क्रममा कर फछ्र्याैट आयोगबाट यति ठूलो परिणाममा हिनामिना गरेको उल्लेख गरिएको थियो ।

प्रतिक्रिया दिनुहोस

सम्बन्धित समाचार