काम कुरो एकातिर, कुम्लो बोकी थिमीतिर

द्वारा प्रकाशित गरिएको हो |
December 6th, 2020
अनुमानित पढ्ने समय : 2 मिनेट
फाईल तस्विर

काठमाडौं । मुलुकमा डढेलो झै सल्किरहेको कोरोना भाइरस निवारणको लागि दत्तचित्त रहनुपर्ने बखतमा राज्यका बागडोर हातमा लिएका सत्ताधारी दल नेकपा भित्रको किचलोले ‘लथालिंगे देशको भताभुंग चाला’लाई स्मरण गराएको छ ।
पछिल्लो पटक ध्ज्इले चेतावनीको भाषामा एक विज्ञप्ती जारी गर्दै दक्षिण र पश्चिम एसियाली मुलुकमा कोरोनाको दोस्रो तरंग आउने भएकाले सावधान रहनु पर्छ भनेको छ । ध्जय को पूर्वी भूमध्य सागरीय क्षेत्रका निर्देशक अहमद अल मन्धारीले एक विज्ञप्ती जारी गर्दै दक्षिण पश्चिम एसियाली मुलुकमा यसप्रकारको सम्भावित शंकटको सामना गर्न तयार रहन भनेका छन् । साथै मन्धारीले आफ्नो विज्ञप्तीमा जाडोयाममा संक्रमणको थप जोखिम भएकाले यसबाट बच्न अतिरिक्त स्वास्थ्य सावधानी अपनाउनुको विकल्प नभएको बताएका छन् । ध्ज्इ को यस भनाइले मुलुक झनै कोभिड १९ को संक्रमणग्रस्त हुने सवाललाई लिएर सत्ताधारी दल र सरकार जति गम्भीर हुनुपथ्र्याे त्यति गम्भीर देखिएको पाइदैन ।
नेकपाको कुनै पनि बैठकमा कोरोना महामारी रोकथाम कसरी गर्ने भन्नेबारे प्रसंगै उठाइदैन केवल कुर्सी हत्याउने भागबण्डा लगाउने सवालहरु बाहेक । हरेक बैठकमा २ अध्यक्षको गाँड कोराकोरको खबर सार्वजनिक हुन्छ, तर मुलुक र मुलुकवासीलाई कोरोना संक्रमणबाट कसरी राहत दिने भन्ने सवाल बारे छलफल भएको खबर सार्वजनिक हुँदैन ।
सचिवालय बैठकमा दुई अध्यक्ष बीच भएको चर्काचर्कीको समाचारले नेकपा भित्रको विसंगती झल्किन्छ जनताले राहत पाउने कुरा त परै जाओस् । पंचायती व्यवस्थाले थिलथिलो पारेको मुलुक गणतान्त्रिक व्यवस्थाले राहत देला भन्ने लागेको थियो नेपालीहरुलाई । २०७२ सालको गणतान्त्रिक संविधानले पनि आम नेपालीको मर्म र भावनालाई समेट्न नसकेको कारण मुलुक हिजो जहाँ थियो त्यही रहेको छ । स्वयंम देशका हर्ताकर्ताहरुबाटै संविधानको मर्म र भावनामाथि आँच पुर्याउने कार्य भइरहेको छ । यसकारण पनि देश अस्तव्यस्तताबाट गुज्रिरहेको छ । ‘जो अगुवा, उही बाटो हगुवा’भनेझै सत्तारुढ दलका दुई अध्यक्षका कारण यहाँ संघीयता र गणतन्त्रनै धरापमा परेको छ ।
देशको मूल समस्याप्रति जवाफदेहिता बहन गर्नुपर्ने अवस्थामा कुर्सीको लडाईमा अध्यक्षद्वय लागेपछि कोरोना कहर कतिपय व्यक्तिहरुका लागि कमाउ धन्दा बनिरहेको छ । यसैको नाममा कमिशन र व्यापार चलिरहेको छ । यसतर्फ हेर्ने समय प्रमलाई छैन, केवल प्रचण्डलाई कसरी पछार्ने भन्ने सवाल शिवाय ।
कोरोना संक्रमितको अवस्था कस्तो छ, उनीहरुको उपचार कुन हालतमा चलिरहेको छ, कोरोना महामारीका विरुद्ध अग्रमोर्चामा लड्ने सुरक्षाकर्मी, स्वास्थ्यकर्मी, सफाइकर्मीको हालत के कस्तो छ, यसतर्फ ध्यान पुग्न सकेको छैन, सत्ताधारी दलको खिचातानीको कारण । यसतर्फ आम नेपालीको ध्यान पुग्नु जरुरी देखिन्छ ।

प्रतिक्रिया दिनुहोस

सम्बन्धित समाचार