गणतन्त्र ‘घुसमय’ भयो

द्वारा प्रकाशित गरिएको हो |
December 6th, 2020
अनुमानित पढ्ने समय : < 1 मिनेट
फाईल तस्विर

काठमाडौं । हुने काम र नीति, नियम सम्वद्ध काम गर्नुनै पनि छिटोछरितोको लागि मात्र भन्दै सरकारी कर्मचारीहरुले सेवाग्राहीसँग प्रत्यक्ष रुपमा किटेरै यति दिए तु काम बन्छ नत्र केही दिन लाग्दछ भन्ने भनाई राखिन्छ । बरु पंचायती कालमा यसरी प्रत्यक्ष रुपबाट ‘घुस’ माग्न डराउथे, कर्मचारीहरु । यस्ता ‘माग’ हरेक निकायहरुमा राखिन्छ भन्ने गुनासाहरु भुक्त भोगीहरुबाट सुनिन्छ । यसरी समाज र राष्ट्र कति कसरी चल्छ, जनताले कहिले राहत पाउँछन् । हामी व्यापारीले यात २ नम्बरी धन्दानै गर्नुपर्यो, या त व्यवसाय नै चटक्कै छोड्नु पर्यो । यस्तो अवस्थामा सबै व्यवसायीहरु कि त फकीर भई घुम्नु पर्यो कि त कामै ठप्प पार्नुपर्यो । यस्तो खालको गणतान्त्रिक व्यवस्था भन्दा त बरु, पहिलाको पंचायती व्यवस्थामा राजतन्त्रनै ठीक ।
उक्त भनाई कुनै गफाडीको गफ या उखान टुक्का नभई काठमाडौं डिल्लिबजारस्थित एक व्यवसायीले छहरा सम्वाददाता तीर्थ कुमार नेपाली समक्ष राखेको गुनासो हो । यसै विषयलाई पुष्टि गर्दै धनकुटा नगरपालिकाका पूर्व मेयर वाङदी लामा चारखाल मालपोतमा आफुले गरिद गरेको घर पास गर्न लाग्दा छिटो काम गर्नकै लागि मात्र पनि आफुसँग घुस लिएको स्मरण गर्दछन् । लौ भन्नुस् गणतान्त्रिक कालमा गणतन्त्र ल्याउनकै लागि जेल, नेल परेका हण्डर खाएका पूर्व मेयर जस्ता जनप्रतिनिधि सँग समेत यसरी प्रत्यक्ष रुपबाट ‘घुस’ माग्नेले अरु सर्वसाधारण जनतालाई बाँकी राख्लान् ? सहजै अनुमान गर्न सकिन्छ । यसरी लोकतान्त्रिक भनिएको गणतान्त्रिक व्यवस्थामा खुल्लम् खुल्ला रुपबाट सर्वसाधारणहरु ठगिरहदैछन् तर नेकपाको झण्डै झण्डै दुईतिहाइको ओली सरकारलाई कुनै चासो छैन, न त कुनै चिन्ता नै ।
यसतर्फ ध्यान कसले पुर्याउने पूर्वराजाले या त नागरिक समाजले ? स्पष्ट पारि दिनुपर्यो आफुलाई खाटि कम्युनिष्ट भन्न रुचाउने र भनि माग्नेहरुले ।

प्रतिक्रिया दिनुहोस

सम्बन्धित समाचार