भूमिपुत्रहरु रैती मात्रै

द्वारा प्रकाशित गरिएको हो |
November 29th, 2020
अनुमानित पढ्ने समय : < 1 मिनेट
फाईल तस्विर

छाङ्छा…………………………………….
काठमाडौं । तीस वर्षको अवधिमा अर्थात् २०४७ सालदेखि हालतकसम्म कुन कुन जातिका कुन कुन पार्टी व्यक्तिहरु प्रधानमन्त्री बने ? ककस्ले कति कार्यकाल सम्हाले अथवा भोग गरे त्यसको विवरण नेपाली जनतालाई प्रष्ट छ । २०४७ वैशाख ६ गतेदेखि २०७७ सालसम्म आईपुग्दा नेपालको राजनीतिले धेरै उतार चढावहरुको सामना गर्नुपर्यो । अन्तत मुलुकमा एक राजाको स्थानमा धेरै छोटे राजाहरुको उदय हुन पुग्यो । ३० वर्षको अन्तरालमा पालैपालो भुमिपुत्र, जनजाति, दलित, मधेसी, सिमान्तकृत समुदायलाई छोडेर यहाँ बाहुन क्षेत्री समुदायको व्यक्तिहरु मात्र पालैपालो नेपालको उच्च कार्यकारी प्रधानमन्त्री पदमा आशीन भए । यो अवधिमा स्वर्गी कृष्णप्रसाद भट्टराई देखि सुरु भएर आज खड्ग प्रसाद ओली नेतृत्वको सरकार गठनकालसम्म कुनै राई, लिम्बू, थकाली, नेवार, मधेसी, थारु, गुरुङ, मगर आदि समुदायकाहरु मध्ये कुनै एक जाति पनि प्रधानमन्त्रीको कुर्सीमा आसिन हुने मौका पाएका छैनन् । यस्तो घटनाक्रमले अझै पनि आदिवासी, भुमिपुत्र, सिमान्तकृत जनता, मधेसी, थारुहरु रैतीभन्दा माथि उठ्न नसकेको प्रतित हुन्छ । ३० वर्षको यो कार्यकालमा नेपाली कांग्रेस पूर्व एमाले, पूर्व माओवादी केन्द्री, राप्रपा र हाल नेकपाले देशको बागडोर पालैपालो आफ्नो मातहतमा पार्दै आए ।
तर नेपालमा आफुलाई यो देशको आदिवासी, यो भूमिको पुत्र, भूमिपुत्र भन्नेहरु अझै भोट बैंक, झोले, हुक्के, बैठकेभन्दा माथि उठ्न सकेका छैनन् । २०४६ सालमा भएको हल्का परिवर्तनले आदिवासी जनजातिहरुमा संगठनात्मक सक्रियता र अधिकारप्रति जागरुकता देखिएतापनि वर्तमान गणतान्त्रिक व्यवस्थासम्ममा पनि यी समुदाय अझै मुलुकको समग्र विकासमा सहभागि बन्न पाएका छैनन् । समानुपातिक समावेशीको नारा लगाइन्छ, तर व्यवहारमा परिणत अझै भएको छैन । आदिवासी जनजातिहरुको राजनैतिक, आर्थिक र सामाजिक विकास नभई राष्ट्रको समग्र विकास सम्भव छैन भन्ने मान्यताका आधारमा विकास नीति तथा कार्यक्रमहरु तर्जुमा गर्नका साथै अक्षरश पालना नगरेसम्म देशको चौतर्फी विकास असम्भव हुने हुँदा यसतर्फ सबैले विचार पुर्याउँनु आवश्यक देखिन्छ ।

प्रतिक्रिया दिनुहोस

सम्बन्धित समाचार