मानव अधिकार कि भाँडभैलो ?

द्वारा प्रकाशित गरिएको हो |
November 23rd, 2020
अनुमानित पढ्ने समय : 2 मिनेट
फाईल तस्विर

श्यामदास वैश्नव
‘अधिकार’ भन्ने विषय योग्यतामा आधारित हुने हुन्छ जहाँ नि यदि ‘योग्यता’ छैन भने बालकको हातमा ‘चकु’ दिए बराबर हुन्छ । अधिकार अर्काे शब्दमा बानरको हातमा ‘नरिवल’ बराबर हुन्छ । बोक्नु न टोक्नुको । यही कुरालाई ध्यानमा राखि हेदा ‘आजभोली प्रदत्त अधिकारको भाँडभैलो नै मचाएको देखिन्छ । यत्रतत्र हुँदाहुँदा श्रीमतीले श्रीमान उपर बेमतलबको उजुरी समेत गरेको कुरा सुनिएको छ । अनि विद्यार्थीले शिक्षक छनौट गर्ने कर्मचारीको छनौटमा हाकिम नियुक्त हुनुपर्ने घटना समेत देखिन सुनिन थालेको छ । शिक्षार्थीले पुस्तकालय जलाउने रिस उठ्यो कि समूह मिलेर तालाबन्दी गर्ने, कतै जान लागेका यात्रीहरुको यात्रा बीचैमा बन्द गरी सडक अवरुद्ध पारिदिने, इत्यादि चाहिने नचाहिने अकार्य भइरहेको देखिन्छ । मानौं सम्बन्धितलाई गाल्न असम्बन्धितलाई मर्कामा पार्नुनै मानव अधिकार जन्य बहादुरी भैरहेको देखिन्छ । यस्तो उपद्रव जन्य कार्य भइरहेको देख्दादेख्दै पनि अमेरिका यूरोप हिन्दोस्तान आदिका महाधिकारीहरु स्थितिको विवेचनानै नगरी अन्य मुलुकमा गई मानव अधिकारको डींग हाँक्ने गरेको र आतंकवाद यस्तैबाट सिर्जना भएको हो, भन्ने कुराको ख्याल तिनले नराखेको पाइन्छ । अर्काे शब्दमा हर देशमा भाँडभैलो मच्चियोस् र आफ्नो प्रभुत्व कायम होस् भन्ने मुराद उनीहरुको हो कि भन्न पनि सकिन्छ । हैन भने मर्यादामा नै सुव्यवस्था जहाँ पनि उफ्राइने आफैलाई पिर्दछ भन्ने चेत आजका घोषणा वादीमा खुल्न जरुरी देखिन आएको छ । यसैले घोषित मानव अधिकार भाँडभैलोमा परिणत भई उपद्रवाद जन्मिएको देख्नु कुनै अत्युक्ति नहोला । विश्लेषण गरी हेर्दा डम्फू प्रवृत्तिनै यसको आधार बनेको मान्न सकिन्छ । आन्दोलनको लागि पार्टीहरुले हुल्याहा मूल्याहा जो सुकैलाई पनि उक्साए पहिलो त्यस उक्साहटबाट सुरिएकाहरुले गर्नु नगर्नु गरेको देखिन्छ । अहिले जसबाट टप्पुमाराहरु चर्कन गएको पाइन्छन् । ती टप्पुमाराहरु जुन समुह सत्तामा पुगे पनि घुस्न गएका पाइन्छन् । जसले गर्दा सत्तोसीनहरु बद्नाम हुँदै जाने । र आफ्नै खुट्टामा आफैले बन्चरो हाने तुल्य(तिनलाई) हुन गएको पाइन्छ । मूल कुरा मर्यादाशील, सज्जन र गुणीलाई महत्व दिई कार्य सम्पन्न गरिनु पर्नेमा जोसुकैलाई पनि मानव अधिकारको उपयोग कर्ता ठहर्याउने गरिदा अशिष्टताले स्थिति विकृत बनाएको देखिन आइरहेछ । जसलाई मानव अधिकारवादी भाँडभैलो भन्न पर्ने भएको छ ।

प्रतिक्रिया दिनुहोस

सम्बन्धित समाचार