रोयल्टी फिर्ता गरौं

द्वारा प्रकाशित गरिएको हो |
November 23rd, 2020
अनुमानित पढ्ने समय : 1 मिनेट
फाईल तस्विर

यस मुलुकका आदिवासी तथा भूमिपुत्रका मानिसहरुलाई साम्राज्यवादी ब्रिटिश सरकारको सेवामा तत्कालिन प्रधानमन्त्री श्री ३ वीर शमशेर जंगबहादुर राणाको पालादेखि पठाइएको हो ।
निज राणाले विक्रम सम्वत १९४३ मा ब्रिटिश सरकारसँग प्रति जवान २५ पाउण्ड लिई आफ्नो निजी ढिकुटीमा जम्मा गर्ने सम्झौता गरे । राई, लिम्बू, गुरुङ, मगर आदि जनजातिका बहादुर र साहसिला युवकहरुदेखि ब्रिटिश सरकार परिचित थियो । त्यसैले आफ्नो उपनिवेश भारतलाई बचाउने र संसारभरी फैलिएको साम्राज्यको रक्षा गर्न योद्धा वीर गोर्खालीको खाँचोको महसुस ब्रिटिशले गरेको थियो । श्री ३ वीर शमशेर माथि उल्लेखित जातिका मानिसहरुलाई खोजीखोजी खसी बोकाझै ब्रिटिश सरकारलाई बेच्नमा उद्दत रहे । तालिम लिँदै गोर्खाली फौज युद्धभूमिमा जान थाले । उत्तरी अ्िरफका युरोप र मध्यपूर्वदेखि लिएर दक्षिण पूर्व एसियाकासाथ लडेर अदम्य बहादुर कायम गरे । यसबाट ब्रिटिश सरकार खुशी भयो । भिक्टोरिया क्रश तथा अन्य पदकहरुले सम्मान गर्यो । नेपाल स्वदेश फर्कदा त्यही छातीमा झुण्डिएको वीरताको चिनो सिवाय उनीहरुले केही पाएनन् । दुई लाख आदिवासीहरु युवाहरुको रोयल्टीवापतको रुपिया भने वीर समशेरको ढिकुटीमा बढ्दै गयो ।
पहिलो विश्व युद्ध साम्य भएको करिब २० वर्षपछि फेरि दोस्रो विश्वयुद्ध चम्कियो । त्यस समय देशको प्रधानमन्त्री श्री ३ जुद्ध शमशेर थिए । प्रथम विश्वयुद्धमा गोर्खालीको बहादुरीबाट परिचित ब्रिटिश सरकारले पुनः नेपाललाई सहयोग माग्यो । जुद्ध शमशेरले पनि छाती फुकाएर ब्रिटिश सरकारको सेवा गरे । कर्मचारी खटाई खटाई १२ १३ वर्षदेखिका ४० वर्षसम्मका आदिवासी युवाहरुलाई ब्रिटिश सरकारको हजुरा चढाए । यसवापत पाउने प्रति जवान २५ पाउण्ड पनि उनकै निजी ढिकुटीमा जम्मा भयो । यसरी रोयल्टी लिने क्रम र देशको प्रधानमन्त्री फेरिने क्रम सँगसँगै श्री ३ चन्द्र शमशेरको पालासम्म आईपुग्दा नेपाली युवाहरुको रगत र पसिना बेचेवापत दुई अरब ब्रिटिश पाउण्ड जम्मा भएको थियो । सो रकम भूपी जलस्रोत मन्त्री पशुपति शमशेर जंगबहादुर राणालाई उनका बाजे श्री ३ मोहन शमशेरले दिएका कुरा भारतबाट प्रकाशित द पायनियर पत्रिकाले छापेको थियो । उक्त रकम असुल उपर गर्न सम्पूर्ण भूपू सैनिकहरुले फेरि संघर्षको तयारी गर्नुपर्ला कि ?

प्रतिक्रिया दिनुहोस

सम्बन्धित समाचार