जसले गर्यो पाप, त्यसको फलीफाप

द्वारा प्रकाशित गरिएको हो |
October 5th, 2020
अनुमानित पढ्ने समय : 2 मिनेट
फाईल तस्विर

काठमाडौं । छसस । तेतीस कोटी देवी देउतको मुलुकमा शान्ति सुव्यवस्था लथालिंग छ । भ्रष्टाचार, अत्याचायर, अन्यायले सिमा नाघिरहेको छ । यहाँ जसले पुन्य गर्यो त्यो दरिद्र र दीनहिन हुने गर्दछ भने जसले व्यभिचार, अन्याय, अत्याचार र पापैपाप गर्दछ त्यसको जताततै फलिफापै फलिफाप हुने गर्दछ । बिडम्बना गणतन्त्रको घोषणा पश्चात पनि देशको अवस्था “लथालिंगे राजाको भताभुंगे चाला, जजस्ले पाउला उसले खाउला”को अवस्थाबाट गुज्रिरहेको छ । नथिति न रीतिको अवस्था छ देशमा । नीति नियम भद्रगोल छ, व्यभिचार, वेथिति हावी छ । निरंकुश भनिएको पञ्चायती राजमा जति पनि कर्मचारीतन्त्रमा अनुशासन छैन । कर्मचारीतन्त्र राजनीतिक, सामाजिक, आर्थिक बेलगामको घोडाझै बनेको छ । मुलुकमा थिति बसाउने समाजलाई अनुशासित बनाउने प्रमुख तन्त्र राजनैतिक तन्त्र र कर्मचारी तन्त्र नै बेलगामको घोडाझै जताततै बुर्कुसी मारेको देखिन्छ । यसो भएपछि देश र समाज लथालिंग त हुनेनै भयो । भएको छ यस्तै । राजनैतिक नेताहरुको त कुरै छोडौं । तलदेखि माथिसम्मको कर्मचारीतन्त्रमा नैतिकता जवाफदेहिता हराएको छ । अनुशासन हिन कर्मचारीलाई विभागीय सजायको भागीदार बनाउने राजनीतिक दल र उच्चस्तरका कर्मचारी नै गैरजिम्मेवारी छन् । अनुशासन हिनताले मुलुकमा सुशासन बहाली गर्न असम्भव छ । यहाँ तलदेखिमाथिसम्म कर्मचारीदेखि राजनीतिकर्मीसमेत अनुशासन हिन छन् । एक हप्ताको एकैपटक हाजिर गरेर(हाटा) गर्ने कर्मचारी यहाँ प्रशस्त छन् । यस्ता कर्मचारीहरुबाट सेवाग्राहीहरुले कुन प्रकारको सेवा पाउलान सहजै अनुमान गर्न सकिन्छ । लामो बिदा हुँदा कतिपय कार्यालयका कर्मचारीहरु बाहिर धेरै दिनको लागि जानुपर्दा सातादिनसम्मको अग्रिम हाजिर गरि घर जाने गर्दछन् । कतिपय जिल्लामात यसरी हाजिरी गर्ने काइदा परम्परा नै बसिसकेको छ । यसकार्यलाई निस्तेज तुल्याउन माथिल्लो स्तरको कर्मचारीले सबैभन्दा पहिला स्वयं अनुशासित भएको देखाउनुपर्छ । राजनैतिककर्मी र कर्मचारी तन्त्रको अनैतिकताको कारण आज गणतन्त्रमाथि प्रश्न चिन्ह खडा भएको छ । पन्चायती कालका टेबलमुनिको घुस प्रथालाई गणतन्त्रले खुल्लमखुल्ला रुपमा अगाडि सारिएको छ । लालपुर्जालिन, जग्गा पास गर्न गराउन, मालपोत गयो भने या त मोटर साइकल गाडीको लाइसेन्स लिन, राजश्व बुझाउन यातायात व्यवस्था विभाग जाँदा समेत जताततै हाक्काहाकी लेनदेनको कुरा सुनिन्छ । यो त भयो एक उदाहरण मात्र । यस्तो घुस प्रकरण देशको हरेक निकायमा छ । यस्तो विकृति त पञ्चायति राजमा पनि थिएन । फरक हो सानो कर्मचारीले थोरै घुस लिन्छन् र ठूला राजनीतिककर्मीहरुले धेरै खान्छन् । यस्तो घुस प्रकरण देशको हरेक निकायमा रहेको देखिन्छ । यस्तो विकृति त पञ्चायती राजमा पनि थिएन । पञ्चायती राजमा कति भारतीयलाई नेपाली बनाइए त्यसलाई निरन्तरता दिदै गणतन्त्र बहाली पश्चात पनि असंख्यक भारतीय छोराछोरीलाई नेपाली छोराछोरी बनाइए । त्यसको लेखाजोखा अहिलेसम्म भएको छ ।
आज मुलुक यस्तो गतिविधिबाट आक्रान्त छ । कहिकतै थिति अनुसार काम हुन सकेको छैन । नेताहरु मनलागि राष्ट्रिय ढुकुटी स्वाहा गरिरहेका छन् । कर्मचारीतन्त्र बेलगामको घोडा जस्तै आफुखुशी बुर्कुसी मारिरहेका छन् । यहाँ दीनहिन दुःखी झन्झन् दुखि बनिरहेका छन् भने पापी र चण्डालहरु दिन दुईगुणा रात चौ गुणाले धन आर्जन गरिरहेका छन् । लाजमर्दाे कुरो सिंगो सरकार एउटा कलाकार जोडीले गरेजति पनि विकास गर्न सकेको छैन । यो नै बिडम्बनाको विषय बनेको छ ।

प्रतिक्रिया दिनुहोस

सम्बन्धित समाचार