सरकारले कंसाकारलाई तत्काल निलम्बन नगर्ने

द्वारा प्रकाशित गरिएको हो |
January 10th, 2019
अनुमानित पढ्ने समय : < 1 मिनेट
फाईल तस्विर

२६ पुस, काठमाडौं । सरकारले वाइडबडी विमान खरिद प्रकरणलाई लिएर नेपाल वायुसेवा नियमका महाप्रबन्धक सुगतरत्न कंसाकारलाई निलम्बन नगर्ने भएको छ ।

संसदको सार्वजनिक लेखा समितिले कंसाकारसँगै पर्यटन सचिव कृष्ण देवकोटालाई निलम्बन गर्न निर्देशन दिएको थियो । तर, यसबारे न्यायिक आयोग समेत गठन गरेकाले अहिले नै कुनै निर्णय नलिइने सरकार प्रवक्ता गोकुल बास्कोटाले जानकारी दिए ।

सरकारले पूर्वन्यायाधीश गोविन्द पराजुलीको नेतृत्वमा आयोग गठन गरेको थियो, जसलाई ४५ दिन म्याद दिइएको छ । विपक्षी दलका नेताले समेत माग गरेर आयोग बनाएको भन्दै बास्कोटाले यसलाई ढाकछोपको प्रयासका रुपमा नबुझ्न आग्रह गरे ।

‘उपसमितिबाट केही कुरा आयो, मूल समितिको अर्को आयो’ उनले भने, ‘हतारमा निर्णय गर्नुभन्दा आयोगको निष्कर्ष आएपछि यो विषयले अन्तिम किनारा पाउँछ ।’

प्रतिक्रिया दिनुहोस

सम्बन्धित समाचार